طباعة باللاينو / مارينا ماجد

عن الورشة:

خلال الورشة دي مع مارينا هتتعلموا:

• نبذة عن تاريخ طباعة الحفر: ايه هي طباعة الحفر و ازاي بدأت.
• نقل التصميم: ازاي نرسم الصورة وننقلها على قالب اللاينو ونفهم ان الصورة والكتابة بتكون معكوسة.
• استخدام الأدوات: ازاي نمسك أدوات الحفر (شكل حرفي V وU) ونستخدمها بأمان.
• تقنيات الحفر: ازاي نصمم تكوين فني مميز ونحفر أنماط مختلفة.
• التحبير والطباعة: ازاي نستخدم رول الطباعة وأدوات الضغط اليدوي عشات نطبع بدقة مع استخدام الكمية المناسبة من الحبر والضغط.

كل الأدوات هتكون متوفرة، محتاجين بس مريلة/ قميص/ تيشيرت قديمة، حمايةً لهدومكم من الحبر.

عن مارينا ماجد:

مارينا ماجد فنانة طباعة و رسامة توضيحية و مصممة جرافيك تخرجت من قسم تصميم الجرافيك بالجامعة
الالمانية بالقاهرة (GUC) عام ٢٠١٩. تتضمن خبرتها العملية العمل كمعيدة و مشرفة بالإنابة في ورشة طباعة
الحفر و ورشة الطباعة البارزة (Letterpress) بكلية العلوم التطبيقية و الفنون (FASA) لمدة خمس سنوات،
حيث استكشفت دمج التقنيات التقليدية بالتصميم الحديث. أعمالها مستوحاة من موضوعات السرد القصصي
البصري، الحكايات الخرافية، تجربة المرأة و الألوان النابضة بالحياة و تهدف من خلال مطبوعاتها و ورشها
التعليمية إلى تعريف المزيد من الناس علي فن الطباعة.